ԲԱՅՐԱՄՈՎԸ ԴՈՈՒԹԻԻՆ ՏԵՂԵԿԱՑՐԵԼ Է ԲԱՔՎԻ ԵՎ ԵՐԵՎԱՆԻ ՄԻՋԵՎ ԽԱՂԱՂՈՒԹՅԱՆ ԳՈՐԾԸՆԹԱՑԻ ՄԱՍԻՆ
Ադրբեջանի արտաքին գործերի նախարար Ջեյհուն Բայրամովը Մեծ Բրիտանիայի Եվրոպայի, Հյուսիսային Ամերիկայի և արտասահմանյան տարածքների հարցերով պետական նախարար Սթիվեն Դոութիին տեղեկացրել է Բաքվի և Երևանի միջև խաղաղության գործընթացի մասին։Գերատեսչությունների ղեկավարները հեռախոսազրույց են ունեցել, որի ընթացքում քննարկել են երկկողմ և համաշխարհային օրակարգի արդիական հարցեր, այդ թվում՝ համագործակցության զարգացումը, տարածաշրջանային և միջազգային անվտանգությունը։
Բայրամովը իր զրուցակցին տեղեկացրել է Հարավային Կովկասի տարածաշրջանում հետհակամարտական շրջանում առկա իրավիճակի և իրողությունների, ինչպես նաև Ադրբեջանի ազատագրված տարածքներում շարունակվող ականապատման սպառնալիքի մասին։
Ջեյհուն Բայրամովը խոսեց նաև Բաքվի և Երևանի միջև խաղաղության բանակցություններում արձանագրված առաջընթացի և այս գործընթացի հաջող ավարտի հիմնական խոչընդոտների՝ Ադրբեջանի նկատմամբ տարածքային պահանջների մասին՝ Հայաստանի Սահմանադրությունում և այլ օրենսդրական ակտերում։