ՄԱՍՈՒԴ ՊԵԺԵՇԿՅԱՆԸ ԶԱՆԳԱՀԱՐԵԼ Է ՆԱԽԱԳԱՀ ԻԼՀԱՄ ԱԼԻԵՎԻՆ. ԱԴՐԲԵՋԱՆԻ ՆԱԽԱԳԱՀԸ ՇԵՇՏԵԼ Է ՆԱԽՉԸՎԱՆՈՒՄ ՏԵՂԻ ՈՒՆԵՑԱԾ ՄԻՋԱԴԵՊԻ ՀԵՏԱՔՆՆՈՒԹՅԱՆ ԿԱՐԵՎՈՐՈՒԹՅՈՒՆԸ
Մարտի 8-ին Իրանի Իսլամական Հանրապետության նախագահ Մասուդ Պեզեշկյանը զանգահարել է Ադրբեջանի Հանրապետության նախագահ Իլհամ Ալիևին։Report-ի տվյալներով՝ նախագահ Մասուդ Պեզեշկյանը շնորհակալություն է հայտնել պետության ղեկավարին՝ Ադրբեջանում Իրանի դեսպանատուն այցելելու և ցավակցություն հայտնելու գերագույն առաջնորդ այաթոլլահ Սեյեդ Ալի Խամենեիի և բազմաթիվ քաղաքացիական անձանց մահվան, ինչպես նաև Իրանին մարդասիրական օգնություն տրամադրելու մտադրության համար։ Նշելով, որ Նախչըվանի օդային հրետակոծությունը որևէ կապ չունի Իրանի հետ, Մասուդ Պեզեշկյանը ընդգծել է, որ միջադեպը կհետաքննվի։
Նախագահ Իլհամ Ալիևը կրկին ցավակցություն է հայտնել Իրանում վերջին իրադարձությունների ժամանակ բազմաթիվ քաղաքացիական անձանց մահվան կապակցությամբ։
Պետության ղեկավարը ընդգծել է Նախչըվանում տեղի ունեցած միջադեպի հետաքննության կարևորությունը։
Հեռախոսազրույցի ընթացքում պետությունների ղեկավարները մտքեր են փոխանակել համատեղ տնտեսական նախագծերի մշակման հեռանկարների վերաբերյալ։
Բաքուն մեղադրել էր Իրանին Ադրբեջանի Նախչըվանի օդանավակայանի և դպրոցին անօդաչուներով հարվածելու համար՝ այն անվանելով «ահաբեկչական ակտ» և խոստանալով համարժեք պատասխան։
Ադրբեջանի պետական անվտանգության ծառայությունը հաջորդ օրը հայտարարել էր, որ կանխել է Իրանի Իսլամական հեղափոխության պահապանների կորպուսի կողմից կազմակերպված մի շարք պլանավորված ահաբեկչական, դիվերսիոն և հետախուզական գործողություններ։