ԱԴՐԲԵՋԱՆԸ ՄԱԿ-Ի ԱՆՎՏԱՆԳՈՒԹՅԱՆ ԽՈՐՀՐԴՈՒՄ ՇԵՇՏԵԼ Է ԱԽ-Ի ԲԱՆԱՁԵՎԵՐԻ ԿԱՏԱՐՄԱՆ ԱՆՀՐԱԺԵՇՏՈՒԹՅՈՒՆԸ
«ՄԱԿ-ի Անվտանգության խորհրդի բանաձևերի երկարատև չկատարումը խաթարում է վստահությունը ինչպես Խորհրդի, այնպես էլ միջազգային իրավակարգի նկատմամբ»։Այս մասին հայտարարել է ՄԱԿ-ում Ադրբեջանի մշտական ներկայացուցչի տեղակալ Էլվին Աշրաֆզադեն՝ «Վեճերի խաղաղ կարգավորման մեխանիզմների ամրապնդում. Անվտանգության խորհրդի թիվ 2788 բանաձևի իրականացման հետագա միջոցառումները» թեմայով բաց քննարկման ժամանակ։ Նա ընդգծել է, որ Ադրբեջանն այս ամենը զգացել է իր սեփական փորձի վրա, երբ Խորհրդի համապատասխան բանաձևերը գրեթե երեք տասնամյակ մնացել են անկատար՝ չնայած այդ փաստաթղթերում տեղ գտած կտրուկ պահանջներին և մեր երկրի բազմաթիվ կոչերին։
«Ադրբեջանը շարունակում է հանձնառու մնալ կարգավորման գործընթացի առաջխաղացմանը՝ հիմնված փոխադարձ ճանաչման և ինքնիշխանության ու տարածքային ամբողջականության հարգանքի վրա։ Հետևողական ուղիղ երկխոսությունը և ստանձնած պարտավորությունների բարեխիղճ կատարումը կարևոր են կարգավորման գործընթացի առաջխաղացման և երկարատև խաղաղության հասնելու համար», - հայտարարել է Աշրաֆզադեն։