ԻԼՀԱՄ ԱԼԻԵՎ. ԱԴՐԲԵՋԱՆԸ ՊԱՏՐԱՍՏ Է ՀԱՅԱՍՏԱՆԻ ՀԵՏ ԲԱՆԱԿՑՈՒԹՅՈՒՆՆԵՐ ՍԿՍԵԼ ՍԱՀՄԱՆՆԵՐԻ ՍԱՀՄԱՆԱԶԱՏՄԱՆ ՎԵՐԱԲԵՐՅԱԼ՝ ՏԱՐԱԾՔԱՅԻՆ ԱՄԲՈՂՋԱԿԱՆՈՒԹՅԱՆ ՓՈԽԱԴԱՐՁ ՃԱՆԱՉՄԱՆ ՊԱՅՄԱՆՈՎ
«Մեկ տարի է անցել պատերազմի ավարտից և Հայրենական պատերազմում Ադրբեջանի հաղթանակից: Հետկոնֆլիկտային շրջանն ընդհանուր առմամբ հանգիստ է անցնում»:Այս մասին Անկախ պետությունների համագործակցության պետությունների ղեկավարների՝ տեսակոնֆերանսի ձևաչափով անցկացվող խորհրդի նիստում իր ելույթում ասել է՝ Ադրբեջանի նախագահ Իլհամ Ալիևը:
«Ղարաբաղյան հակամարտությունը մնացել է անցյալում: Ադրբեջանը վերականգնել է իր տարածքային ամբողջականությունը, կատարել ՄԱԿ-ի Անվտանգության խորհրդի որոշումները: Ադրբեջանը Հայաստանի հետ հակամարտությունը լուծել է ռազմաքաղաքական միջոցներով», - ասել է պետության ղեկավարը:
Նա հիշեցրել է, որ անցյալ տարվա նոյեմբերի 10-ին Ադրբեջանի, Հայաստանի և Ռուսաստանի ղեկավարների կողմից ստորագրվել է եռակողմ հայտարարություն, որը վերջ է դրել հակամարտությանը:
Նախագահ Իլհամ Ալիևը նաև հատուկ նշել է Ռուսաստանի նախագահ Վլադիմիր Պուտինի դերը՝ ռազմական գործողությունների դադարեցման գործում, ինչը հնարավորություն տվեց խուսափել երկու կողմերի մեծ կորուստներից:
Իլհամ Ալիևը ասել է, որ Ադրբեջանը պատրաստ է Հայաստանի հետ բանակցություններ սկսել սահմանների սահմանազատման վերաբերյալ՝ տարածքային ամբողջականության փոխադարձ ճանաչման պայմանով:
«Պատերազմն ու հակամարտությունը մնացել են պատմության մեջ: Մենք պատրաստ ենք Հայաստանի հետ բանակցություններ սկսել սահմանի սահմանազատման վերաբերյալ՝ տարածքային ամբողջականության փոխադարձ ճանաչման պայմանով, և պատրաստ ենք բանակցություններ սկսել Հայաստանի հետ խաղաղության պայմանագրի շուրջ:
Ադրբեջանը, որպես հաղթող երկիր, պատրաստ է հարաբերությունների կարգավորմանը: Հուսով ենք, որ Հայաստանի ղեկավարությունը բաց չի թողնի այս պատմական հնարավորությունը», - հայտարարել է նախագահ Ալիևը: