ՋԱՆԵՍ ՆԱԶԱՐՅԱՆԸ ՈՍԿԵ ՄԵԴԱԼ ՆՎԱՃԵՑ ԲԱՔՎՈՒՄ
Բաքվում ընթացող հունահռոմեական ոճի ըմբշամարտի մինչև 17 տարեկանների աշխարհի առաջնությունում 71 կգ քաշային Ջանես Նազարյանը նվաճեց ոսկե մեդալ և դարձավ մինչև 17 տարեկանների աշխարհի կրկնակի չեմպիոն։Նա եզրափակչում 4։3 հաշվով հաղթել է ՌԴ-ն ներկայացնող Ասլան Ձուևին։
Հայ ըմբիշները ջերմ ընդունելության արժանացան Բաքվում, ասել է Նազարյանը։
Նա իր ուրախությունն է հայտնել իր հաղթանակի կապակցությամբ և բարձր է գնահատել Բաքվում կայացած աշխարհի առաջնության մակարդակը։
«Մենք շատ լավ տրամադրության մեջ ենք։ Այստեղ մեզ շատ ջերմ և բարձր մակարդակի ընդունելություն են արժանացրել։ Մրցաշարը լավ էր կազմակերպված, իսկ մրցակիցները՝ շատ ուժեղ։ Ուրախ եմ, որ հաղթեցի», - ասել է Նազարյանը։
Մարզիկի խոսքով՝ կազմակերպչական խնդիրներ չեն եղել. «Բաքվում կայանալիք աշխարհի առաջնությանը մեր մասնակցության համար ստեղծվել են բոլոր անհրաժեշտ պայմանները։ Մեզ շատ լավ ընդունեցին և ապահովեցին հարմարավետ նախապատրաստության և մրցումների համար անհրաժեշտ ամեն ինչով»։