ԱԴՐԲԵՋԱՆԻ ՆԱԽԱԳԱՀ ԻԼՀԱՄ ԱԼԻԵՎԸ ՑԱՎԱԿՑԵԼ Է ԻՐԱՆԻ ՆԱԽԱԳԱՀ ՄԱՍՈՒԴ ՓԵԶԵՇՔԻԱՆԻՆ՝ ԻՐԱՆԻ ԳԵՐԱԳՈՒՅՆ ԱՌԱՋՆՈՐԴ ԱԼԻ ԽԱՄԵՆԵԻԻ ՄԱՀՎԱՆ ԿԱՊԱԿՑՈՒԹՅԱՄԲ
Ադրբեջանի նախագահ Իլհամ Ալիևը ցավակցել է Իրանի նախագահ Մասուդ Փեզեշքիանին՝ Իրանի գերագույն առաջնորդ Ալի Խամենեիի մահվան կապակցությամբ։«Իրանի Իսլամական Հանրապետության գերագույն առաջնորդ այաթոլլա Ալի Խամենեիի ողբերգական մահվան լուրը խորապես վշտացրեց մեզ։
Այս ծանր կորստի կապակցությամբ մեր անկեղծ ցավակցությունն ենք հայտնում ձեզ, մահացածի ընտանիքին և Իրանի բարեկամ ժողովրդին և մաղթում ենք համբերություն և տոկունություն։
Այաթոլլա Սեյեդ Ալի Խամենեին երկար տարիներ կարևոր դեր է խաղացել Իրանի պետության և հասարակության կյանքում՝ զբաղեցնելով իր երկրի քաղաքական և կրոնական կյանքում առանձնահատուկ տեղ։ Նրա մահը մեծ կորուստ է Իրանի համար։
Այս դժվարին օրը մենք Իրանի բարեկամ և եղբայրական ժողովրդին մաղթում ենք խաղաղություն, կայունություն և բարգավաճում», - ասվում է ուղեգրում։