ԷՐԴՈՂԱՆԸ ԲԱՎԱՐԱՐ Է ԳՆԱՀԱՏԵԼ ԱԴՐԲԵՋԱՆԻ ԵՎ ՀԱՅԱՍՏԱՆԻ ՄԻՋԵՎ ՁԵՌՔ ԲԵՐՎԱԾ ԱՌԱՋԸՆԹԱՑԸ
Թուրքիայի նախագահ Ռեջեփ Էրդողանն ու Ադրբեջանի վարչապետ Ալի Ասադովը քննարկել են հայ-ադրբեջանական բանակցային գործընթացը, հայտնում է ադրբեջանական ԱՊԱ գործակալությունը։Լրատվամիջոցի փոխանցմամբ՝ Թուրքիայի առաջնորդը բավարար է գնահատել Ադրբեջանի և Հայաստանի միջև ձեռք բերված առաջընթացը՝ ընդգծելով, որ դրական արդյունք է ակնկալում մայիսի 10-ին Ալմաթիում կայանալիք հանդիպումից։
Ռեջեփ Էրդողանը շեշտել է հայ-ադրբեջանական խաղաղության համաձայնագրի շուտափույթ ստորագրման կարևորությունը, և որ տարածաշրջանը պետք է համաձայնության գա։
Ադրբեջանի վարչապետ Ասադովը Թուրքիայում է պաշտոնական այցի շրջանակներում։