ԻԼՀԱՄ ԱԼԻԵՎ. ՀՈՒՍՈՎ ԵՄ, ՈՐ ՎԱՇԻՆԳՏՈՆՈՒՄ ԲԱՆԱԿՑՈՒԹՅՈՒՆՆԵՐԸ ԿՏԱՆ ԵԹԵ ՈՉ ԱՐԴՅՈՒՆՔ, ԱՊԱ ԳՈՆԵ ՏԵՍԱՆԵԼԻ ԱՌԱՋԸՆԹԱՑ
«Հուսով եմ, որ Վաշինգտոնում բանակցությունները կտան եթե ոչ արդյունք, ապա գոնե տեսանելի առաջընթաց»:Այս մասին այսօր Շուշայոմ հայտարարել է Ադրբեջանի նախագահ Իլհամ Ալիևը, ելույթ ունենալով «Մեծ Եվրասիայի աշխարհաքաղաքականության ձևավորումը. անցյալից ներկա և ապագա» չորրորդ միջազգային համաժողովում:
Ադրբեջանի նախագահը հույս է հայտնել, որ Վաշինգտոնում Ադրբեջանի և Հայաստանի արտգործնախարարների բանակցությունների ընթացքում կհաջողվի առաջընթացի հասնել Բաքվի և Երևանի միջև հարաբերությունների կարգավորման հարցում:
Իլհամ Ալիևը վերստի հայտարարել է, որ խաղաղության պայմանագրում Ղարաբաղի հարցը ներառելու ցանկացած փորձ հակաարդյունավետ է: Եթե Հայաստանը կառուցողական մոտեցում չցուցաբերի, ապա Բաքվի և Երևանի միջև խաղաղություն և փոխգործակցություն չի լինի։
Նախագահը համոզմունք է հայտնել, որ հարաբերությունները կարգավորելու Ադրբեջանի առաջարկը բխում է և՛ Բաքվի, և՛ Երևանի շահերից։