ՍԱՄԱՆԹԱ ՓԱՈՒԵՐ՝ ԱՅՆՔԱՆ ՀՈՒԶԻՉ Է ՏԵՍՆԵԼ, ԹԵ ԻՆՉՊԵՍ Է ՄԻ ԿՈՂՄ ԴՐՎԵԼ ԹՇՆԱՄԱՆՔԸ
ԱՄՆ Միջազգային զարգացման գործակալության կառավարիչ Սամանթա Փաուերը հուզիչ է որակել Հայաստանի կողմից Թուրքիա մարդասիրական օգնության և որոնողափրկարարական խմբի ուղարկումը: Այս մասին նա գրառում է արել Twitter-ում:«Այնքան հուզիչ է տեսնել, թե ինչպես է մի կողմ դրվել տասնամյակների թշնամանքը՝ օգնելու հուսահատ կարիքի մեջ գտնվող մարդկանց: 35 տարվա մեջ առաջին անգամ բացվել է Հայաստանի և Թուրքիայի սահմանային անցակետը, որպեսզի օգնությունը հասնի երկրաշարժից տուժածներին։ Հայաստանն ուղարկում է 100 տոննա պաշար և որոնողափրկարարական խումբ», - Twitter-ի իր միկրոբլոգում գրել է Սամանթա Փաուերը։