ԲԵՆԻԱՄԻՆ ՊՈՂՈՍՅԱՆ. ԿԼԱԱՐԻ ԱՅՑՆ ԳՐԻԳՈՐՅԱՆ-ՀԱՋԻև ՀԱՆԴԻՊՈՒՄԸ ԿԱԶՄԱԿԵՐՊԵԼՈՒ ՆՊԱՏԱԿ ՈՒՆԻ
Եվրամիության հատուկ ներկայացուցիչ Տոյվո Կլաարի այցը Երևան, այնուհետև Բաքու առաջին հերթին մեկ նպատակ ունի՝ կազմակերպել Հայաստանի անվտանգության խորհրդի քարտուղարի ու Ադրբեջանի նախագահի արտաքին հարաբերությունների գծով խորհրդականի հանդիպումը, որին էլ առաջիկայում կհաջորդի արդեն Փաշինյան-Ալիև հերթական հանդիպումը Բրյուսելում, կարծում է քաղաքագետ Բենիամին Պողոսյանը։Անցած ամիս նախատեսվում էր Հաջիև-Գրիգորյան հանդիպում, սակայն, ըստ Հայաստանի վարչապետի, այն չկայացավ ադրբեջանական կողմի պատճառով։
«Կարծես թե կա ձևավորված մեխանիզմ, որ սկզբում լինում է հանդիպում երկրորդ մակարդակում՝ քննարկումներ, հարցեր։ Ինչ-ինչ հարցեր, որոնք քիչ թե շատ պարզաբանված են, դրանք դրվում են ղեկավարների սեղանին, հետևաբար, ամենայն հավանականությամբ, ես կարծում եմ, որ մինչև գոնե հուլիսի 20-ը կամ առնվազն 24-ը, մենք կունենանք անվտանգության խորհրդի քարտուղարի և Հաջիևի հանդիպում և երևի թե հուլիսի վերջ օգոստոսի սկիզբ, նախքան, ինչպես ասում են, արձակուրդային սեզոնի վերջնական մեկնարկը, մենք կունենանք նաև ևս մեկ հանդիպում Բրյուսելում երկու պետությունների ղեկավարների միջև՝ էլի Շառլ Միշելի միջնորդությամբ», - ասաց Բենիամին Պողոսյանը։