ԻԼՀԱՄ ԱԼԻԵՎ. ԿԳԱ ԺԱՄԱՆԱԿ, ԵՐԲ ՀԱՅ ԺՈՂՈՎՈՒՐԴԸ ՇՆՈՐՀԱԿԱԼ ԿԼԻՆԻ ՄԵԶ ԱՅՆ ԲԱՆԻ ՀԱՄԱՐ, ՈՐ ՄԵՆՔ ՈՒԶՈՒՄ ԷԻՆՔ ՓՐԿԵԼ ՆՐԱՆՑ ԱՅՍ ԱՂԵՏԻՑ
«Կգա ժամանակ, երբ հայ ժողովուրդը շնորհակալ կլինի մեզ այն բանի համար, որ մենք ուզում էինք փրկել նրանց այս աղետից»: Այս մասին ասել է Ադրբեջանի նախագահ Իլհամ Ալիևը AzTV հեռուստատեսությանը տված հարցազրույցում:
«Կարծում եմ, որ ժամանակակից աշխարհը նման գազանություն չէր տեսել. այրել, սպանել են անզեն մարդկանց, այրել են երեխաներին: Ավերել են բոլոր շինությունները, մեր մզկիթները: Հայկական ֆաշիզմը ամենադաժան, ամենավտանգավոր, ատելությամբ լի, ամենաայլանդակ գաղափարախոսությունն է և մենք ոչնչացրեցինք դա: Կարծում եմ, որ ժամանակի ընթացքում մենք ավելի լավ ենք գիտակցելու մեր պատմական ձեռքբերումները: Կգա ժամանակ, երբ հայ ժողովուրդը շնորհակալ կլինի մեզ այն բանի համար, որ մենք ուզում էինք փրկել նրանց այս աղետից: Հուսով եմ, որ նրանք կփրկվեն: Այլապես Հայաստանի ապագան՝ որպես պետություն, հայտնվելու է մեծ հարցականի տակ», - նշել է նախագահ Իլհամ Ալիևը: