Ջեյհուն Բայրամով. Խոջավենդում ձերբակալվել է 62 հայ դիվերսանտ
Ադրբեջանի արտաքին գործերի նախարար Ջեյհուն Բայրամովի՝ ՄԱԿ-ի գլխավոր քարտուղար Անտոնիու Գուտերիշին ուղղված նամակը, որում նշվում է Հայաստանի ապակառուցողական գործունեության մասին, տարածվել է որպես ՄԱԿ-ի Գլխավոր վեհաժողովի և Անվտանգության խորհրդի պաշտոնական փաստաթուղթ:
Ինչպես հայտնել են ԱԳՆ մամուլի ծառայությունից, նամակում նշվում է, որ նոյեմբերի 10-ին եռակողմ հայտարարության ընդունումից հետո Ադրբեջանը սկսեց լայնածավալ աշխատանքներ իրականացնել օկուպացիայից տուժած բոլոր տարածքների վերականգնման և վերաինտեգրման ուղղությամբ, իսկ Հայաստանը այս շրջանում տարածաշրջանային խաղաղությանը, համագործակցությանը և զարգացմանը սպառնացող գործունեություն է ծավալում:
Նամակում նշված է, որ Հայաստանի զինված ուժերը դիվերսիա և սադրանք են իրականացնում Ադրբեջանի օկուպացիայից ազատագրված Խոջավենդի շրջանի տարածքում: Ադրբեջանի համապատասխան կառույցների կողմից իրականացված հակաահաբեկչական գործողությունների արդյունքում ձերբակալվել են դիվերսիոն խմբի 62 անդամներ, որոնք Հայաստանի քաղաքացիներ են: