ԻԼՀԱՄ ԱԼԻԵՎ. ԱԴՐԲԵՋԱՆՑԻ ԶԻՆՎՈՐՆԵՐԸ 44 ՕՐ ՊԱՅՔԱՐԵՑԻՆ ՕԿՈՒՊԱՑԻԱՅԻ ԴԱԴԱՐԵՑՄԱՆ, ԱՐԴԱՐՈՒԹՅԱՆ ՀԱՍՆԵԼՈՒ ՀԱՄԱՐ, ԵՎ ՄԵՆՔ ՀԱՍԱՆՔ ՄԵՐ ՈՒԶԱԾԻՆ
«Այսօր պատմական օր է: Այսօր Ազատության հրապարակում «Հաղթանակի զորահանդես» է անցկացվում:
Այս մասին հայտարարել է Ադրբեջանի Հանրապետության նախագահ, ԶՈւ Գերագույն գլխավոր հրամանատար Իլհամ Ալիևը՝ «Հաղթանակի զորահանդեսից» առաջ ունեցած իր ելույթում:
Գերագույն գլխավոր հրամանատարը նշել է, որ ուրախ է զորահանդեսին Թուրքիայի Հանրապետության նախագահ Ռեջեփ Թայիբ Էրդողանի մասնակցության համար: «Միաժամանակ զորահանդեսին մասնակցում են Թուրքիայից ժամանած մեծ պատվիրակություն, թուրք զինվորներ և սպաներ: Սա մեկ անգամ ևս ցույց է տալիս մեր միասնությունը, բարեկամությունն ու եղբայրությունը»:
Ազատագրելով Ղարաբաղի օկուպացված հողերը՝ Ադրբեջանը հասավ իր նպատակին, վերականգնեց պատմական արդարությունը, ասել է Իլհամ Ալիևը:
«Այսօր հպարտության մեծ զգացումով կարող եմ ասել, որ Ադրբեջանը հասավ իր նպատակին, վերականգնեց պատմական արդարությունն ու միջազգային իրավունքը: Ադրբեջանցի զինվորները 44 օր պայքարեցին օկուպացիայի դադարեցման, արդարության հասնելու համար, և մենք հասանք մեր ուզածին», - ասել է Իլհամ Ալիևը:
«Հայկական բանակ, կարելի է ասել, արդեն գոյություն չունի: Այն ոչնչացվել է: Եթե հայկական ֆաշիզմը սրանից հետո էլ գլուխ բարձրացնի, արդյունքը լինելու է նույնը: Ադրբեջանի երկաթե բռունցքը ջարդելու է նրա ողնաշարը», - ընդգծել է երկրի ղեկավարը: