Հիքմեթ Հաջիև. «Կանանց ձայնը կարևոր է ԼՂ հակամարտության մասին ճշմարտությունը հասցնելու համար»
«Կանայք միշտ ակտիվ դեր են խաղացել մեր երկրի հասարակական և քաղաքական կյանքում»:
Այս մասին հայտարարել է Ադրբեջանի նախագահի օգնական, նախագահի աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը՝ «Հարկադրաբար տեղահանվածները արդարադատության կոչ են անում. նրանց կարիքներն ու անվտանգության հարցերը» թեմայով խորհրդաժողովում, որը կազմակերպվել է Միջազգային հարաբերությունների վերլուծության կենտրոնի կողմից:
Հիքմեթ Հաջիևը հիշեցրել է նաև ՄԱԿ-ի Անվտանգության խորհրդի ղարաբաղյան հակամարտության վերաբերյալ 4 բանաձևերի մասին: «Հայերի գործողությունների պատճառով հումանիտար աղետ տեղի ունեցավ», - հավելել է նա:
Նախագահի օգնականը նշել է, որ այսօր ադրբեջանցի կանայք ավելի շատ են ներգրավված Լեռնային Ղարաբաղի հակամարտության կարգավորման գործում, այդ թվում՝ որպես հայկական ագրեսիայից տուժածներ: «Հարկադիր վերաբնակ կանանց ձայնը կարևոր դեր է խաղում այս հակամարտության մասին ճշմարտությունը միջազգային հանրությանը հասցնելու գործում»: