Իտալիայի ԱԳՆ-ն իր քաղաքացիներին հորդորում է չայցելել Ղարաբաղ
Իտալիայի արտգործնախարարությունը հորդորում է իր քաղաքացիներին՝ զերծ մնալ ԼՂ և Ադրբեջանի այլ օկուպացված տարածքներ այցելելուց:
«Անհրաժեշտ է զերծ մնալ Լեռնային Ղարաբաղ և Հայաստանի զինված ուժերի կողմից օկուպացված այլ տարածքներ այցելելուց», - նշված է Իտալիայի արտգործնախարարության պաշտոնական կայքում զետեղված հաղորդագրության մեջ:
Հաղորդագրության մեջ նաև նշված է, որ ականապատված տարածքների առկայության պատճառով՝ Լեռնային Ղարաբաղի տարածքը իրենից վտանգ է ներկայացնում:
ԱԳՆ-ն իր քաղաքացիների ուշադրությունը հրավիրում է այն բանի վրա, որ Երևանում Իտալիայի դեսպանատան գործունեությունը չի տարածվում Լեռնային Ղարաբաղի տարածքում:
Հաղորդագրության մեջ նաև ասված է, որ Ադրբեջանի տարածքն անվտանգ է, բացառությամբ օկուպացված շրջանները:
Նշենք, որ ավելի վաղ Ֆրանսիայի, Գերմանիայի և Մեծ Բրիտանիայի արտաքին քաղաքական գերատեսչությունները իրենց քաղաքացիներին հորդորել էին չայցելել Ադրբեջանի օկուպացված տարածքներ: