«Հակառակ արևմտյան քաղաքագետների պնդումների՝ սումգայիթյան իրադարձությունները ազգամիջյան բնույթ չէին կրում»
Այս տարվա փետրվարի վերջերին լրացավ ադրբեջանական Սումգայիթ քաղաքում տեղի ունեցած ողբերգական իրադարձությունների 30-րդ տարելիցը:
1988 թվականի փետրվարի 27-29-ին այստեղ տեղի ունեցան անկարգություններ, որոնք ուղեկցվում էին կողոպուտով և խաղաղ բնակիչների՝ հայերի և ադրբեջանցիների սպանություններով:
Այս մասին ասված է «Նեզավիսիմայա գազետա» օրաթերթում հրապարակված հոդվածում:
«Բրիտանացի լրագրող Թոմաս դե Վաալի խոսքով՝ ով 2005 թվականին հրատարակված «Սև այգի» գրքի հեղինակն է, «այս իրադարձությունները ժամանակակից խորհրդային պատմության մեջ զանգվածային բռնությունների առաջին բռնկումն էր»:
ԽՍՀՄ գլխավոր դատախազության պաշտոնական տվյալներով՝ անկարգությունների ընթացքում զոհվել են 26 ազգությամբ հայ և 6 ազգությամբ ադրբեջանցի քաղաքացիներ:
Հակառակ արևմտյան քաղաքագետների պնդումների՝ սումգայիթյան իրադարձությունները ազգամիջյան բնույթ չէին կրում: Դա խորհրդային տարիների համար յուրահատուկ՝ հանցավոր խմբերի միջև «ռազբորկա» էր: Դրա մասին է վկայում այն հանգամանքը, որ ամենադաժան խմբերից մեկը գլխավորում էր ազգությամբ հայ Էդուարդ Գրիգորյանը: