Էլնուր Ասլանով. «Վաղուց ժամանակն է, որպեսզի Զորի Բալայանը նկարի գժանոցի պալատի պատերին»
Ադրբեջանի նախագահի քաղաքական վերլուծության ու տեղեկատվական ապահովման բաժնի ղեկավար Էլնուր Ասլանովը մեկնաբանել է Զորի Բալայանի՝ Ռուսատանի նախագահ Վլադիմիր Պուտինին հղած, հայկական ԶԼՄ-ների կողմից տիրաժավորված բաց նամակը:
«Շատ բարդ է մեկնաբանել Զորի Բալայանի խեղախթյուրված ու բորբոքված երևակայության հերթական զառանցանքը: Նախ, եթե հիմարի հետ վիճաբանել նրա համոզմունքների վերաբերյալ, ապա կա հավանականություն հայտնվելու նրա կիսագիտակից մակարդակում:
Երկրորդ, այդքան անհեթեթ բարբաջանքը և մաքուր թղթի վրա՝ նույնիսկ Գյուլիստանի ու Թուրքմենչայի պայմանագրերի ժամանակաշրջանը հասնող ինչ որ պատմության ստեղծելը, որի մասին Զորի Բալայանի նման սանձազերծ ազգայնամոլից բացի ոչ ոք չի լսել և բնականաբար ոչ ոք չի հավատում - անմեղ խաղաղ բնակչության, անմեղ կանանց ու երեխաների գազանաբար սպանությունը արդարացնող հայկականության պսակն է:
Երրորդ. Վաղուց ժամանակն է, որպեսզի Զորի Բալայանը նկարի գժանոցի պալատի պատերին, այլ ոչ թե նամակ գրի Ռուսաստանի նախագահ Վլադիմիր Պուտինին: Իր այսպես կոչված նամակում Զորի Բալայանը փորձում է բոլոր ճշմարտություններով ու անճշտություններով իմաստափոխել պատմական փաստերը՝ ժխտելով այդ թվում նաև միջազգայնորեն ճանաչված Խոջալուի ցեղասպանության փաստը:
Մի կողմ դնելով տվյալ անհեթեթության ապաշնորհությունը, կարելի է միայն խորհուրդ տալ բոլոր այն հայ ազգայնամոլներին, որոնք անկեղծ հավատում են Զորի Բալայանի դատարկություններին՝ ծանոթանալ Մոնթե Մելքոնյանի եղբայր Մարգար Մելքոնյանի՝ «My Brother's Road: An American's Fateful Journey to Armenia», գրքին, որտեղ սևով սպիտակի վրա նկարագրվում է՝ խաղաղաղ ադրբեջանցի բնակչության նկատմամբ հայ ֆաշիստների իրագործած գազանությունների մասին»: