ԻԼՀԱՄ ԱԼԻԵՎ. ԻՆՁ ՏՐԱՄԱԴՐՎԱԾ ՏԵՂԵԿԱՏՎՈՒԹՅԱՆ ՀԱՄԱՁԱՅՆ՝ ԽԱՂԱՂՈՒԹՅԱՆ ՊԱՅՄԱՆԱԳՐԻ ՏԵՔՍՏԸ ՀԱՄԱՁԱՅՆԵՑՎԵԼ Է 80-90 ՏՈԿՈՍՈՎ
Արտաքին գործերի նախարարի կողմից ինձ տրամադրված տեղեկատվության համաձայն՝ խաղաղության պայմանագրի տեքստը համաձայնեցվել է 80-90 տոկոսով:Այս մասին հայտարարել է Ադրբեջանի նախագահ Իլհամ Ալիևը՝ խոսելով Հայաստանի հետ խաղաղության պայմանագրի կնքման շուրջ զարգացումներից։
Ալիևի խոսքով՝ բանակցությունների իրական գործընթացը սկսվել է մոտ կես տարի առաջ։
Նա ընդգծել է, որ այս պահին բաց է մնում երկու հարց:
«Առաջինը, Հայաստանը պետք է դրական արձագանքի մեր առաջարկին։ Երկրորդ՝ և՛ Հայաստանը, և՛ Ադրբեջանը պետք է համատեղ դիմեն ԵԱՀԿ-ին՝ Մինսկի խումբը լուծարելու խնդրանքով, քանի որ այս խումբը վերջին մի քանի տարիներին գործնականում պասիվ է եղել»,- նշել է Ալիևը։