ԱՅԽԱՆ ՀԱՋԻԶԱԴԵ. ՀԱՅԱՍՏԱՆԸ ԹԱՔՆՎԱԾ ՕՐԱԿԱՐԳ ՈՒՆԻ ԱԴՐԲԵՋԱՆԻ ՀԱՆԴԵՊ
Ադրբեջանի ԱԳՆ-ն Հայաստանի արտգործնախարարության հայտարարությունը որակել է որպես` միջազգային հանրության ուշադրությունը Բաքվի և Երևանի միջև խաղաղության հասնելու խոչընդոտ հանդիսացող կոչերից շեղելու փորձ։Այս մասին ասված է` Ադրբեջանի ԱԳՆ պաշտոնական ներկայացուցիչ Այխան Հաջիզադեի մեկնաբանության մեջ։
Հաջիզադեն ընդգծել է, որ Հայաստանի արտգործնախարարության այսօր՝ հունիսի 7-ին հրապարակված հայտարարությունը յուրօրինակ փորձ է՝ հերքելու այն փաստը, որ այս երկիրը տարածքային պահանջներ է ներկայացնում իր հարևանների նկատմամբ։
«Գլխավոր խնդիրը հանդիսանում է՝ Ադրբեջանի նկատմամբ Հայաստանի շարունակական տարածքային պահանջները, որոնք ամրագրված են այդ երկրի բազմաթիվ իրավական և քաղաքական փաստաթղթերում, ներառյալ նրա Սահմանադրության մեջ, որը վկայակոչում է՝ «Հայաստանը և Լեռնային Ղարաբաղը» միավորելուն կոչ անող՝ Հայաստանի անկախության մասին հռչակագրին»,- նշվում է հայտարարության մեջ:
Գերատեսչության ներկայացուցիչը նշել է, որ Ադրբեջանը օրինական իրավունք ունի պահանջելու այդ կետը բացառել Հայաստանի Սահմանադրությունից, և դա դիտարկում է որպես ազգային անվտանգության խնդիր։ Ադրբեջանի այս պահանջը չի կարող որակվել որպես միջամտություն Հայաստանի ներքին գործերին, հավելել է նա։
«Այս խնդրի անտեսման հնարավորության մասին Հայաստանի ԱԳՆ-ի տրամաբանությունը կարող է անտեսել, խոսում է այն մասին, որ Երևանը շահագրգռված չէ ամուր խաղաղությամբ և փորձում է միայն ապագայում Ադրբեջանի դեմ հերթական ագրեսիայի «պահուստային տարբերակ» պահպանել։ «Բացի այդ, Հայաստանի փորձերը վերականգնելու անցյալ հակամարտության մնացուկը՝ Մինսկի խումբը, ինչպես նաև նրա կողմից ռազմականացման քաղաքականության շարունակումը վկայում են այն մասին, որ այս երկիրը թաքնված օրակարգ ունի Ադրբեջանի հանդեպ»,- նշել է Հաջիզադեն։