ՄԻՋԱԶԳԱՅԻՆ ՀԱՆՐՈՒԹՅՈՒՆԸ ՆՈՒՅՆՊԵՍ ՊԵՏՔ Է ՔԱՅԼԵՐ ՁԵՌՆԱՐԿԻ ՀԱՅԿԱԿԱՆ ԿՈՂՄԻՆ ԽՐԱԽՈՒՍԵԼՈՒ ԱԴՐԲԵՋԱՆԻ ՀԵՏ ԱԶՆԻՎ, ԲԱՑ ԲԱՆԱԿՑՈՒԹՅՈՒՆՆԵՐ ՎԱՐԵԼՈՒ ՀԱՄԱՐ. ՋԵՅՀՈՒՆ ԲԱՅՐԱՄՈՎ
Ադրբեջանի և Հայաստանի միջև խաղաղության հասնելու պատմական հնարավորություն է ստեղծվել. այս մասին Բաքվում Ադրբեջանի, Թուրքիայի և Վրաստանի արտգործնախարարների 9-րդ եռակողմ հանդիպման արդյունքներով համատեղ մամուլի ասուլիսում հայտարարել է Ադրբեջանի արտգործնախարար Ջեյհուն Բայրամովը։«Պատմական շանս է առաջացել Ադրբեջանի և Հայաստանի միջև խաղաղության հասնելու համար։ Խաղաղությունն ապահովելու համար անհրաժեշտ է պահպանել միջազգային իրավունքի նորմերն ու սկզբունքները։ Միջազգային հանրությունը նույնպես պետք է քայլեր ձեռնարկի հայկական կողմին խրախուսելու Ադրբեջանի հետ ազնիվ, բաց բանակցություններ վարելու համար»,- ասել է ադրբեջանական դիվանագիտության ղեկավարը։