ՋԵՅՀՈՒՆ ԲԱՅՐԱՄՈՎ. ԱՆՀՐԱԺԵՇՏ Է ՀԱՐԳԵԼ ԵՐԿՐՆԵՐԻ ԻՆՔՆԻՇԽԱՆՈՒԹՅՈՒՆՆ ՈՒ ՏԱՐԱԾՔԱՅԻՆ ԱՄԲՈՂՋԱԿԱՆՈՒԹՅՈՒՆԸ
Ադրբեջանա-հայկական սահմանին առկա է լարվածություն:Այս մասին ասել է Ադրբեջանի արտգործնախարար Ջեյհուն Բայրամովը՝ չեխ գործընկերոջ հետ համատեղ մամուլի ասուլիսի ժամանակ:
Նա ընդգծել է, որ 30 տարիների ընթացքում սահմանագծում և սահմանազատում չի իրականացվել, և դրա հիմնական պատճառը ադրբեջանական հողերի օկուպացիան է:
«Ադրբեջանը վերականգնել է իր տարածքային ամբողջականությունը: Այս հարցը պետք է լուծվի նորմալ և քաղաքակիրթ ձևով, պետք է իրականացվի սահմանազատման գործընթաց: Ադրբեջանը կառուցողական է այս ուղղությամբ, սակայն մենք Հայաստանից տեսնում ենք ոչ կառուցողական քայլեր և պատճառաբանումներ: Հայաստանը պետք է կատարի իր ընտրությունը. տարածքային պահանջներ հարևանների նկատմամբ կամ կառուցողական համագործակցություն:
Ադրբեջանը գործում է միջազգային իրավունքի պրիզմայով: Կայուն և զարգացման վրա կողմնորոշված միջավայրի համար այս մոտեցումն այլընտրանք չունի: Անհրաժեշտ է հարգել երկրների ինքնիշխանությունն ու տարածքային ամբողջականությունը», - ասել է Ջեյհուն Բայրամովը: