Ջեյհուն Բայրամով. Հայաստանը դեռ չի գիտակցում նոր իրողությունները
Մենք տեսնում ենք, որ Հայաստանի արտաքին գործերի նախարարությունը շարունակում է սադրիչ, ապակառուցողական և ռևանշիստական հայտարարություններ անել: Սա ցույց է տալիս, որ այս երկիրը դեռ չի գիտակցել նոր իրողությունը:Այս մասին՝ ԻՀԿ գլխավոր քարտուղար Յուսեֆ Բեն Ահմեդ ալ-Ուսայմինի հետ համատեղ մամուլի ասուլիսի ժամանակ ասել է՝ Ադրբեջանի արտգործնախարար Ջեյհուն Բայրամովը:
Նրա խոսքով՝ որքան շուտ հայկական կողմը գիտակցի իրականությունը, այնքան լավ կլինի նրա համար:
«Ադրբեջանը պատրաստ է համագործակցության նոր ձևաչափ հաստատել տարածաշրջանում: Սակայն, եթե ապագայում Ադրբեջանի տարածքում ինչ-որ սադրանքներ տեղի ունենան, դրանց համարժեք պատասխան կտրվի», - հավելել է Ջեյհուն Բայրամովը: