ՄԵԹՅՈՒ ԲՐԱՅԶԱ. ՀԱՅԱՍՏԱՆԸ ՉԻ ԸՆԴՈՒՆՈՒՄ ՊԱՏԵՐԱԶՄՈՒՄ ԿՐԱԾ ՊԱՐՏՈՒԹՅՈՒՆԸ
Լաչինի անցակետում Հայաստանի սադրանքները կապված են այն բանի հետ, որ այդ երկրի քաղաքական շրջանակները չեն ընդունում Ղարաբաղյան Երկրորդ պատերազմում պարտվելու փաստը։Այս մասին ասել է միջազգային փորձագետ, Ջեյմսթաուն հիմնադրամի խորհրդի անդամ, Ադրբեջանում ԱՄՆ նախկին դեսպան Մեթյու Բրայզան։
Լաչինի ճանապարհի շուրջ ստեղծված իրավիճակը անձամբ իրեն չի անհանգստացնում, ասել է նա ու բացատրել, թե ինչու.
«Ակնհայտ է, որ Հայաստանը նպատակ է հետապնդում նորից բարձրացնել Ղարաբաղի կարգավիճակի հարցը։ Թեև ՀՀ վարչապետ Նիկոլ Փաշինյանը ճանաչեց Ադրբեջանի տարածքային ամբողջականությունը, ներառյալ՝ Ղարաբաղը, սակայն Հայաստանի քաղաքական շրջանակներում և կառավարությունում դեռ կան մարդիկ, ովքեր չեն ցանկանում ճանաչել այս փաստը և բուն երկրորդ Ղարաբաղյան պատերազմում կրած պարտությունը», - ասել է նա՝ հավելելով, որ հայկական կողմը իրավիճակի հետ հաշտվելուց բացի այլ ճանապարհ չունի: