ԱՐԱՄ ՆԻԿՈԼՅԱՆԻ ՆԿԱՏՄԱՄԲ ՄԻՋԶԳԱՅԻՆ ՀԵՏԱՊՆԴՈՒՄ Է ՀԱՅՏԱՐԱՐՎԵԼ
Ինչպես արդեն տեղեկացրել ենք, ապրիլի 14-ին Հայաստանի մայրաքաղաք Երևանում կայացած ծանրամարտի Եվրոպայի առաջնության բացման արարողության ժամանակ՝ հրապարակավ այրվել է Ադրբեջանի պետական դրոշը՝ ազգային ատելություն և թշնամանք սերմանելուն ուղղված ցուցադրական գործողություններով։ԱՀ Գլխավոր դատախազության մամուլի ծառայությունից Irevan.az-ին հայտնել են, որ այս փաստի առթիվ Գլխավոր դատախազության քննչական վարչությունը շարունակում է՝ ԱՀ Գլխավոր դատախազի կողմից՝ ԱՀ քրեական օրենսգրքի համապատասխան հոդվածներով հարուցված քրեական գործի քննությունը։
Նախաքննության տվյալներով՝ ՀՀ քաղաքացի, Երևան քաղաքի բնակիչ, (28.09.1982 թ.), Հայաստանի հանրային հեռուստաընկերության դիզայներական ստուդիայի ղեկավար Նիկոլյան Արամ Վրեժին մի խումբ անձանց հետ, որոնց ինքնությունը ներկայումս անհայտ է, դիտավորյալ հրկիզել է Ադրբեջանի դրոշը՝ Եվրոպայի առաջնության բացման արարողության ժամանակ՝ ազգային ատելության հիման վրա Ադրբեջանի Հանրապետության քաղաքացիների և նրա շահերի դեմ հանցագործություններ կատարելու նպատակով՝ ուղղված Ադրբեջանի դեմ ատելություն սերմանելուն, ինչպես նաև ազգային արժանապատվության նվաստացմանը։
Արամ Նիկոլյանին ապրիլի 19-ին որպես մեղադրյալ մեղադրանք է առաջադրվել և դատարանի որոշման հիման վրա՝ նրա նկատմամբ որպես խափանման միջոց է կիրառվել միջազգային հետախուզում՝ խափանման միջոցը կալանավորման տեսքով:
Գլխավոր դատախազության կողմից սույն քրեական գործի քննությունն իրականացնելու նպատակով՝ միջազգային համագործակցության շրջանակներում՝ օտարերկրյա պետությունների իրավապահ մարմիններին ուղարկվել են իրավաբանական օգնության հարցումներ՝ Արամ Նիկոլյանի նկատմամբ անհրաժեշտ քննչական գործողություններ կատարելու խնդրանքով, ինչպես նաև կալանավորել նրան և հանձնել Ադրբեջանի Հանրապետությանը պետական սահմանը հատելու դեպքում: