ՔՐԵԱԿԱՆ ԳՈՐԾ Է ՀԱՐՈՒՑԵԼ ԵՐԵՎԱՆՈՒՄ ԱԴՐԲԵՋԱՆԻ ԴՐՈՇՆ ԱՅՐԵԼՈՒ ՓԱՍՏՈՎ
Ադրբեջանի գլխավոր դատախազությունը քրեական գործ է հարուցել Երևանում Եվրոպայի ծանրամարտի առաջնության բացման արարողության ժամանակ ադրբեջանական դրոշն այրելու փաստով։ Գործը հարուցվել է ազգային ատելություն և թշնամանք հրահրելու և Ադրբեջանի պետական դրոշն անարգելու հոդվածներով։Գլխավոր դատախազությունից APA գործակալությանն ասել են, որ այդ արարքը կատարած Արամ Նիկոլյանին ազգային և միջազգային դատական պատասխանատվության ենթարկելու համար դիմումներ են ուղարկվելու արտասահմանյան երկրներին և համապատասխան մարմիներին ու միջազգային կազմակերպություններին։
Բաքուն միջազգային հանրությանը կոչ է արել խստորեն դատապարտել Հայաստանին, այդ թվում՝ որ Հայաստանն ապահովի միջազգային իրավունքի և միջազգային հումանիտար իրավունքի իր պարտավորությունների կատարումը։