ՈՐՔԱՆ ՇՈՒՏ ՌՈՒԲԵՆ ՎԱՐԴԱՆՅԱՆԸ ԼՔԻ ԽԱՆՔԵՆԴԻՆ, ԱՅՆՔԱՆ ԱՐԱԳ ԽԱՂԱՂՈՒԹՅՈՒՆ ԿՀԱՍՏԱՏՎԻ ՏԱՐԱԾԱՇՐՋԱՆՈՒՄ
Ղարաբաղյան տնտեսական շրջանում ռուսական խաղաղապահ զորախմբի ժամանակավոր պատասխանատվության գոտում գնալով մեծանում է դժգոհությունը Կրեմլի միսիոներ Ռուբեն Վարդանյանի սադրիչ գործունեության նկատմամբ։ Փրկչի կերպարանքով այս տարածքում հայտնվելու վեց ամիսների ընթացքում նա տեղի հայերի կյանքը վերածեց իսկական դժոխքի։Եվ եթե առաջին օրերին մարդիկ հավատում էին այս «միլիարդատեր փրկչի» բարի նպատակներին, ապա այսօր շատերը սկսել են հասկանալ, որ Վարդանյանի Խանքենդիում մնալուց ոչ մի լավ բան սպասել չի կարելի։ Սրանք միայն մեր եզրակացությունները չեն, դրա մասին վկայում են նաև Վարդանյանի գործունեության նկատմամբ հայերի աճող դժգոհության մասին մամուլ թափանցող տեղեկությունները։
Օրինակ, ըստ «Հրապարակ» թերթի աղբյուրի՝ Խանքենդիում մի քանի ընդդիմադիր խմբակցություններ են ստեղծվել ընդդեմ Ռուբեն Վարդանյանի։ Ընդ որում՝ ըստ թերթի աղբյուրի, դրանց մի մասը կառավարվում և ֆինանսավորվում է Հայաստանի իշխանությունների կողմից։
Ըստ նույն աղբյուրի, ՀՀ իշխանությունները փորձում են կանխել Վարդանյանի ենթադրյալ «հաղթարշավը»՝ նկատի առնելով Քոչարյանի և Սարգսյանի նախկին փորձը, ուստի ամեն ինչ անելու են, որ հանկարծ Վարդանյանը Ղարաբաղից չտեղափոխվի Երևան՝ սպառնալով Նիկոլ Փաշինյանի իշխանությանը։ Բացի այդ, գրում է թերթը, Վարդանյանը խանգարում է Փաշինյանին պայմանավորվել Ալիևի հետ` Ղարաբաղի հարցում տարբերվող իր դիրքորոշմամբ։ Սակայն Կրեմլի միսիոներից դժգոհ են ոչ միայն Երևանում. հենց Խանքենդիում Վարդանյանի հակառակորդների ճամբարը համալրել են նախկին պաշտոնյաներն ու տարբեր կառույցների աշխատակիցները, որոնք Վարդանյանի գալուստով զրկվել են աշխատանքից։ Նրանք արդեն բարձրաձայն պահանջում են այսպես կոչված պետնախարարի հրաժարականը։
Այս ֆոնին Խանքենդիում շատերն արդեն մտածում են Ադրբեջանի քաղաքացիություն ընդունելու մասին, ինչը նրանց երաշխավորում է այն խաղաղ ապագան, որի մասին խոսում էր Վարդանյանը։ Եվ որքան շուտ Ռուբեն Վարդանյանը լքի Խանքենդին, այնքան շուտ խաղաղություն կհաստատվի տարածաշրջանում։
Սոհբեթ Մամեդով,
«Իրևան» տեղեկատվական կենտրոնի ղեկավար