ՂԱՐԱԲԱՂՈՒՄ ՌՈՒԲԵՆ ՎԱՐԴԱՆՅԱՆԻ ՀՐԱԺԱՐԱԿԱՆԻ ԹԵՄԱՆ ՉԻ ՓԱԿՎԵԼ
Չնայած Ռուբեն Վարդանյանի և Արայիկ Հարությունյանի հարաբերություններն արտաքուստ թևակոխել են խաղաղ կարգավորման փուլ, սակայն Ղարաբաղի աղբյուրներն ասում են, որ դա թվացյալ է։ ՀՀ իշխանությունները շարունակում են Ռուբեն Վարդանյանի ազատման հարցով Արայիկ Հարությունյանի վրա ճնշումներ գործադրել, և Ղարաբաղում չեն բացառում, որ ինչ-որ պահի ԱՀ նախագահը կընկրկի։«Հրապարակ» թերթը հիշեցնում է, որ, ի թիվս այլ պահանջների, պետնախարարի հրաժարականը ևս ներառված է Լաչինի ճանապարհը բացելու Ադրբեջանի պահանջագրում։ «Եվ չնայած Ղարաբաղի իշխանությունները մերժել են կատարել այդ պահանջները, որոնց մեջ մտնում են նաև սահմանային անցակետում ռենտգեն-սկաների տեղադրումը և ադրբեջանական սահմանապահի ներկայությունը, ինչպես նաև Ղարաբաղի ՊԲ-ի ամբողջական զինաթափումը և հանքերի շահագործման դադարեցումը, սակայն Ադրբեջանն առավել կարևորում է Վարդանյանի հեռացումը։ Այստեղ համոզված են, որ գործարարն Ղարաբաղ է գործուղվել Կրեմլի կողմից, և Քոչարյան-Սերժ Սարգսյան զույգից ձեռք քաշած ՌԴ իշխանությունները փորձում են նրա միջոցով ապահովել իրենց ներկայությունը Հարավային Կովկասում», - գրում է «Հրապարակ» թերթը: