ՊԱՏԳԱՄԱՎՈՐ ԱԼԻ ՄԱՍԻՄԼԻ. ՊԵՏՔ Է ՍԱՀՄԱՆԱՅԻՆ ՄԱՔՍԱԿԵՏԵՐ ՍՏԵՂԾԻ ԼԱՉԻՆԻ ՃԱՆԱՊԱՐՀԻՆ
Ադրբեջանը պետք է սահմանային մաքսակետեր ստեղծի Լաչինի ճանապարհին:Այս մասին Միլլի Մեջլիսի այսօրվա լիագումար նիստում հայտարարել է պատգամավոր Ալի Մասիմլին։
«Մենք պետք է Լաչին-Խանքենդի ճանապարհի բացումը պահանջող այլ երկրների և կազմակերպությունների ուշադրությունը հրավիրենք այն բանի վրա, որ Ադրբեջանը ոչ թե ճանապարհներ է փակում, այլ կառուցում և ստեղծում է նորերը այն տարածքներում, որոնք օկուպացիայի տարիներին Հայաստանի կողմից ավերակների են վերածվել: Ադրբեջանը խաղաղություն և անվտանգություն է բերում Հարավային Կովկաս, նոր հնարավորություններ է ստեղծում համագործակցության համար։ Լաչին-Շուշա ճանապարհին խաղաղ ակցիան ադրբեջանական ժողովրդի բողոքն է հայկական կողմի շարունակվող սադրանքների ու թալանի դեմ և խաղաղապահների գործունեությունից դժգոհության արդյունք։ Քանի որ խաղաղապահները չեն կատարել նոյեմբերի 10-ի եռակողմ հայտարարությամբ ստանձնած պարտավորությունները, մենք պետք է կազմակերպենք մեր մաքսային և սահմանային անցակետերը Լաչինի ճանապարհին»,- ասել է պատգամավորը։