ԼԵՅԼԱ ԱԲԴՈՒԼԼԱԵՎԱ. ՆԵՐԿԱՅԻՍ ԼԱՐՎԱԾ ԻՐԱՎԻՃԱԿԻ ՀԱՄԱՐ ՈՂՋ ՊԱՏԱՍԽԱՆԱՏՎՈՒԹՅՈՒՆԸ ԱՆՄԻՋԱԿԱՆՈՐԵՆ ԿՐՈՒՄ Է ՀԱՅԱՍՏԱՆԻ ՌԱԶՄԱՔԱՂԱՔԱԿԱՆ ՂԵԿԱՎԱՐՈՒԹՅՈՒՆԸ
«Նախ ուզում եմ նշել, որ Ադրբեջանը համարժեք միջոցներ է ձեռնարկում ի պատասխան Հայաստանի կողմից վերջերս իրականացված սադրանքների։ Այսպիսով, ադրբեջանական կողմը համարժեք միջոցներ է ձեռնարկել՝ ի պատասխան նոյեմբերի 9-ին Լաչինի շրջանի Գարագյոլի ուղղությամբ ադրբեջանական բանակի դիրքեր տանող ճանապարհի վրա հայկական զինված ուժերի մոտ 60 անձնակազմի կենտրոնացմանը, նոյեմբերի 13-ին Հայաստանի զինված ուժերի կողմից Քելբեջարի շրջանում ադրբեջանական բանակի դիրքերի գնդակոծմանը, ինչպես նաև ի պատասխան նոյեմբերի 14-ին՝ երկու երկրների միջև պետական սահմանի Լաչինի ուղղությամբ սադրանքի նպատակով՝ Հայաստանի զինված ուժերի խմբավորման կենտրոնացման»:Այս մասին ասել է Ադրբեջանի արտաքին գործերի նախարարության մամուլի ծառայության ղեկավար Լեյլա Աբդուլլաևան՝ մեկնաբանելով Հայաստանի վարչապետ Նիկոլ Փաշինյանի հայտարարությունները երկրի Անվտանգության խորհրդի նիստում։
«Մենք ընդգծում ենք, որ ադրբեջանցի զինծառայողներն իրենց ծառայողական պարտականությունները կատարում են մեր երկրի ինքնիշխան տարածքում։
Հիշեցնում ենք նաև, որ ներկայիս լարված իրավիճակի համար ողջ պատասխանատվությունը անմիջականորեն կրում է Հայաստանի ռազմաքաղաքական ղեկավարությունը»,- ընդգծել է ԱԳՆ ներկայացուցիչը։