ՄԵՎԼՈՒԹ ՉԱՎՈՒՇՕՂԼՈՒ. ԱՍՏՎԱԾ ՏԱ, ՀԱՅԱՍՏԱՆԸ ԽՈՀԵՄՈՒԹՅՈՒՆ ՑՈՒՑԱԲԵՐԻ
Թուրքիայի արտգործնախարար Մևլութ Չավուշօղլուի խոսքով՝ Անկարայում հույս ունեն, որ Հայաստանը չի ընդդիմանա իր տարածքով անցնող տրանսպորտային ուղիների վերաբացմանը։ Չավուշօղլուն այս մասին հայտարարել է Ստամբուլում։«Աստված տա, Հայաստանը ևս խոհեմություն կցուցաբերի և կօգտվի այն տրանսպորտային ուղիներից, որոնք անցնելու են նաև իր տարածքով», - նշել է Թուրքիայի արտգործնախարարը։
Իր ելույթում Չավուշօղլուն մեկ անգամ ևս խոսել է Ադրբեջանի կողմից ղարաբաղյան խնդրի կարգավորման մասին՝ ասելով, որ Բաքուն հարցը լուծել է սեփական ուժերով։