ՄԵՎԼՈՒԹ ՉԱՎՈՒՇՕՂԼՈՒ. ՀԻՄԱ ՄԵՆՔ ՀԻՇԵՑՆՈՒՄ ԵՆՔ ՀԱՅԱՍՏԱՆԻՆ, ՈՐ ՉՇԱՐՈՒՆԱԿԻ ՍԱԴՐԱՆՔՆԵՐԸ
Թուրքիայի արտգործնախարար Մևլութ Չավուշօղլուն երկուշաբթի Անկարայում Թուրքիայի դեսպանների 13-րդ համաժողովի բացմանը հայտարարել է, որ «իրենք անկեղծ են Հարավային Կովկասում բարիդրացիական հարաբերությունների հաստատման գործընթացում»։Նա նշել է, որ այն պայմանները, որոնք ձևավորվել են 44-օրյա պատերազմում Ադրբեջանի հաղթանակից հետո, օգտագործվում են տարածաշրջանում կայուն խաղաղություն հաստատելու համար:
«Մեր և Հայաստանի կողմից նշանակված հատուկ ներկայացուցիչները շարունակում են հանդիպումները։ Մենք դա առանձին չենք ներկայացնում Ադրբեջանի և Հայաստանի միջև տեղի ունեցող գործընթացներից և տարածաշրջանում կարգավորման և համագործակցության ջանքերից, ինչը մեր հիմնական նպատակն է։ Տարածաշրջանում վերջին օրերին նկատված լարվածությունը ևս մեկ անգամ ցույց տվեց, թե որքան փխրուն է գործող հրադադարի ռեժիմը։ Հիմա մենք հիշեցնում ենք Հայաստանին, որ չշարունակի սադրանքները»,- շեշտել է Թուրքիայի արտգործնախարարը։