ԻԼՀԱՄ ԱԼԻԵՎ. «ՀԱՏՈՒՑՈՒՄ» ԳՈՐԾՈՂՈՒԹՅՈՒՆԸ ՊԱՏԺԻՉ ՄԻՋՈՑ ԷՐ. ՈՉ ՈՔ ԵՎ ՈՉԻՆՉ ՉԻ ԿԱՐՈՂ ԿԱՆԳՆԵՑՆԵԼ ՄԵԶ՝ ՈՉ ՈՐԵՎԷ ՄԵԿԻ ՀԱՅՏԱՐԱՐՈՒԹՅՈՒՆԸ, ՈՉ ԷԼ ԻՆՉ ՈՐ ՄԻ ՀԵՌԱԽՈՍԱԶԱՆԳ»
Հայկական կողմը հերթական անգամ դիմել է զինված սադրանքի, ինչի արդյունքում զոհվել է մեր զինծառայողը: Թող Ալլահը հանգստություն տա նրա հոգուն, ինչպես նաև մեր բոլոր նահատակների հոգիներին։ Բայց բոլորը տեսան ու պիտի տեսնեն, որ մեր զինվորի արյան վրեժը լուծվեց։ Մենք անմիջապես իրականացրեցինք «Հատուցում» գործողությունը, լուծեցինք մեր նահատակների վրեժը և խստորեն պատժեցինք հակառակ կողմին։Այս մասին Իսմայիլլիի շրջանի Բասգալ ավանում ադրբեջանական հեռուստատեսությանը տված հարցազրույցում ասել է ԱՀ նախագահ Իլհամ Ալիևը։
Նշելով, որ մի քանի ժամ տևած այս գործողությունը պատժիչ միջոց էր, պետության ղեկավարն ընդգծել է.
«Հատուցում» գործողությունը ևս մեկ անգամ ցույց տվեց Հայաստանին, որ մեզ ոչ ոք և ոչինչ չի կարող կանգնեցնել: Ոչ որևէ մեկի հայտարարությունը, ոչ էլ ինչ որ մի հեռախոսազանգ: Ոչինչ և ոչ ոք: Ադրբեջանական ժողովուրդը դա լավ գիտի։ Ղարաբաղյան երկրորդ պատերազմը ցույց տվեց դա։ Համոզված եմ, որ դա գիտի նաև հակառակ կողմը: Պարզապես երբեմն մոռանում է դրա մասին: Այդ իսկ պատճառով նման ողբերգական իրադարձություններ են տեղի ունենում»,- ասել է Իլհամ Ալիևը
Հիշեցնելով, որ մենք հաղթեցինք պատերազմում և վերականգնեցինք տարածքային ամբողջականությունը, նախագահ Ի.Ալիևն ասել է. «Ինչո՞ւ պետք է մեր երեխաները զոհվեն պատերազմից հետո։ Մենք չենք կարող դա թույլ տալ։ Նորից եմ ուզում ասել, որ եթե նման սադրանքը կրկնվի, արձագանքն ավելի կոշտ կլինի,նրանք ավելի շատ կփոշմանեն դրա համար։ Բայց նորից եմ ասում, մենք նոր պատերազմ սկսելու մտադրություն չունենք։ Բավական է: Մենք ստացանք այն, ինչ ուզում էինք»
Ադրբեջանի նախագահն ընդգծել է, որ հայկական զինված կազմավորումները պետք է մեկընդմիշտ լքեն Ղարաբաղը։ Իլհամ Ալիևը նշել է, որ Երևանի այս պարտավորությունն ամրագրված է 2020 թվականի նոյեմբերի 10-ին Հայաստանի կողմից ստորագրված կապիտուլյացիայի ակտում։