ԱԴՐԲԵՋԱՆԻ ԱԳՆ ՀԱՅՏԱՐԱՐՈՒԹՅՈՒՆԸ. ԱԴՐԲԵՋԱՆԻ ՏԱՐԱԾՔՈՒՄ ՏԵՂԻ ՈՒՆԵՑԱԾ ՄԻՋԱԴԵՊԻ ՈՂՋ ՊԱՏԱՍԽԱՆԱՏՎՈՒԹՅՈՒՆԸ ԸՆԿՆՈՒՄ Է ՀԱՅԱՍՏԱՆԻ ՌԱԶՄԱՔԱՂԱՔԱԿԱՆ ՂԵԿԱՎԱՐՈՒԹՅԱՆ ՎՐԱ, ՈՐԸ ՄԻՆՉ ՀԻՄԱ ԻՐ ԱՆՕՐԻՆԱԿԱՆ ԶԻՆՎԱԾ ԿԱԶՄԱՎՈՐՈՒՄՆԵՐԸ ԴՈՒՐՍ ՉԻ ԲԵՐԵԼ ՀԱՐևԱՆ ՊԵՏՈՒԹՅԱՆ ՏԱՐԱԾՔԻՑ
Ըստ Ադրբեջանի Հանրապետության պաշտպանության նախարարության հաղորդագրության՝ 2022 թվականի օգոստոսի 3-ին ռուս խաղաղապահների ժամանակավոր վերահսկողության տակ գտնվող ադրբեջանական տարածքներում տեղակայված ապօրինի հայկական զինված խմբավորումները ինտենսիվ գնդակոծության են ենթարկել ադրբեջանական դիրքերը Լաչինի շրջանի ուղղությամբ, ինչի հետևանքով զոհվել է զինծառայող Քյազիմով Անար Ռուստամ օղլուն։ Այս մասին ասված է Ադրբեջանի արտգործնախարարության տարածած հայտարարության մեջ:«Ադրբեջանական կողմը բազմիցս հայտարարել է, որ Հայաստանը չի կատարել 2020 թվականի նոյեմբերի 10-ի եռակողմ հայտարարությամբ ստանձնած պարտավորությունները, և որ հայկական անօրինական զինված խմբավորումները մինչ հիմա դուրս չեն բերվել Ադրբեջանի տարածքներից: Ադրբեջանի տարածքում տեղի ունեցած միջադեպի ողջ պատասխանատվությունը ընկնում է Հայաստանի ռազմաքաղաքական ղեկավարության վրա, որը մինչ հիմա իր անօրինական զինված կազմավորումները դուրս չի բերել հարևան պետության տարածքից։ Մենք կշարունակենք ձեռնարկել բոլոր անհրաժեշտ միջոցները Ադրբեջանի տարածքների անվտանգությունն ու սահմանների անձեռնմխելիությունն ապահովելու համար»,- ասված է նախարարության հայտարարության մեջ։