ՆԱԽԱԳԱՀ ԱԼԻԵՎ. ՌՈՒՍԱՍՏԱՆԸ ԽՈՍՏԱՑԵԼ ԷՐ, ՈՐ ՄԻՆՉԵՎ ՀՈՒՆԻՍ ՀԱՅԿԱԿԱՆ ԶԻՆՎԱԾ ԿԱԶՄԱՎՈՐՈՒՄՆԵՐԸ ԴՈՒՐՍ ԵՆ ԲԵՐՎԵԼՈՒ ՂԱՐԱԲԱՂԻՑ
2020 թվականի նոյեմբերի 10-ի հայտարարությունն իրականում հանդիսանում է Հայաստանի կապիտուլյացիայի ակտ և Հայաստանը՝ որպես պատերազմում պարտված կողմ, ստանձնել է պարտավորություններ։ Այնտեղ հստակ նշված են այդ պարտավորությունները։Այս մասին նախագահ Իլհամ Ալիևն ասել է՝ տարվա վեց ամիսների արդյունքներին նվիրված հանդիպմանը իր ելույթում։
Պետության ղեկավարը նշել է, որ դրանցից մեկը Հայաստանի զինված ուժերի դուրսբերումն է Ղարաբաղից.
«Մինչ օրս այդ հարցը չի լուծվել։ Մենք այս հարցը բազմիցս բարձրացրել ենք, բայց Հայաստանը ձգձգում է։ Մենք այդ հարցը բարձրացրել ենք նաև Ռուսաստանի ռազմական ղեկավարության հետ, և մի քանի ամիս առաջ ՌԴ ՊՆ բարձրաստիճան պաշտոնյան Ադրբեջանում այցի ժամանակ մեր ՊՆ-ին խոստացել էր, որ մինչև հունիս հայկական զինված կազմավորումները դուրս են բերվելու Ղարաբաղից: Բայց արդեն հուլիսի կեսն է այս հարցը դեռ լուծված չէ։ Հայաստանը չի կատարում այդ պարտավորությունը՝ հակառակ նոյեմբերի 10-ի հայտարարության։ Ռուս խաղաղապահները,- ռուսական կողմը նույնպես ստորագրել է հայտարարությունը նոյեմբերի 10-ին,- ինչպես ասում են՝ մի ստիպեք դա անել։ Իհարկե, սա անտանելի վիճակ է։ Որովհետև Ադրբեջանի տարածքում հայկական զինված ուժերի ներկայությունը միանգամայն անընդունելի է։ Մենք հաղթանակած երկիր ենք, մենք վերականգնել ենք մեր տարածքային ամբողջականությունը. Եթե Հայաստանը չի ցանկանում դուրս բերել իր զինված կազմավորումները Ադրբեջանի տարածքից, ապա թող մեզ բացահայտ ասեն այդ մասին, իսկ մենք կիմանանք՝ ինչ անել։ Ո՞րն է լինելու մեր պատասխանը։ Երևի հիմա դրա մասին խոսելն անտեղի է։ Բայց սա նշանակում է նոյեմբերի 10-ի հայտարարության կոպիտ խախտում», - ասել է Իլհամ Ալիևը։