ԴՈՆԱԼԴ ԹՐԱՄՓԸ՝ ԻԼՀԱՄ ԱԼԻԵՎԻՆ. ԱՄՆ-Ը ՄՆՈՒՄ ԵՆ՝ ԱԴՐԲԵՋԱՆԻ ԻՆՔՆԻՇԽԱՆՈՒԹՅԱՆ, ԱՆԿԱԽՈՒԹՅԱՆ ԵՎ ՏԱՐԱԾՔԱՅԻՆ ԱՄԲՈՂՋԱԿԱՆՈՒԹՅԱՆ ԿՈՂՄՆԱԿԻՑԸ
Ամերիկայի Միացյալ Նահանգների նախագահ Դոնալդ Թրամփը ուղերձ է հղել Ադրբեջանի նախագահ Իլհամ Ալիևին։Այս մասին տեղեկություն է հրապարակվել ԱՀ ղեկավարի պաշտոնական կայքում։
Ուղերձում Դոնալդ Թրամփը շնորհավորել է Իլհամ Ալիևին և ադրբեջանական ժողովրդին՝ Նովրուզի տոնի առթիվ։
«Մեր երկրներն ունեն համագործակցության հարուստ պատմություն, և ես անհամբեր սպասում եմ այն ուշագրավ ձեռքբերումներին, որոնց մենք կարող ենք հասնել առաջիկա տարիներին: Մենք բարձր ենք գնահատում Ադրբեջանի աջակցությունն ու բարեկամությունը՝ մեր գործընկեր Իսրայելի հետ և ողջունում ենք՝ Ադրբեջանի և Հայաստանի քայլերը՝ ուղղված տարածաշրջանում խաղաղության հաստատմանը: Ես անհամբեր սպասում եմ Ձեզ հետ աշխատելուն: Միացյալ Նահանգները շարունակում են մնալ՝ Ադրբեջանի ինքնիշխանության, անկախության և տարածքային ամբողջականության անսասան կողմնակիցը»,-ասված է ուղերձում։