ԱԴՐԲԵՋԱՆԻ ՆԱԽԱԳԱՀ ԻԼՀԱՄ ԱԼԻԵՎԸ ԶԱՆԳԱՀԱՐԵԼ Է ԴՈՆԱԼԴ ԹՐԱՄՓԻՆ. «ԱՄԵՐԻԿԱՅԻ ՄԻԱՑՅԱԼ ՆԱՀԱՆԳՆԵՐԻ ՆԱԽԱԳԱՀ ԴՈՆԱԼԴ ԹՐԱՄՓԻ ԳՈՐԾՈՒՆԵՈՒԹՅՈՒՆՆ ԷԼ ԱՎԵԼԻ ԿԱՐևՈՐ ԴԵՐ Է ԽԱՂԱԼՈՒ ԱՇԽԱՐՀՈՒՄ ԱՆՎՏԱՆԳՈՒԹՅԱՆ ԱՊԱՀՈՎՄԱՆ ԳՈՐԾՈՒՄ»
Նոյեմբերի 25-ին Ադրբեջանի Հանրապետության նախագահ Իլհամ Ալիևը զանգահարել է Ամերիկայի Միացյալ Նահանգների նախագահ Դոնալդ Թրամփին։Այս մասին հայտնում է նախագահի մամուլի ծառայությունը։
Հեռախոսազրույցի ընթացքում պետության ղեկավարը շնորհավորել է Դոնալդ Թրամփին՝ Ամերիկայի Միացյալ Նահանգների նախագահի պաշտոնում վերընտրվելու կապակցությամբ։ Ադրբեջանի նախագահը նշել է, որ ընտրություններում տարած համոզիչ հաղթանակը ամերիկյան ժողովրդի մեծ աջակցության և վստահության ակնհայտ արտահայտությունն է այն քաղաքական կուրսի նկատմամբ, որը նրանք հետապնդում են։
Ադրբեջանի նախագահն ընդգծել է, որ նախագահ Դոնալդ Թրամփի գործունեությունն էլ ավելի կարևոր դեր է խաղալու աշխարհում անվտանգության ապահովման գործում։
Նշելով, որ իր առաջին նախագահական ժամկետում Դոնալդ Թրամփը հատուկ ուշադրություն է դարձրել Ադրբեջանի և ԱՄՆ-ի միջև բարեկամության և համագործակցության ամրապնդմանը, պետության ղեկավարը հույս է հայտնել, որ համատեղ ջանքեր կգործադրվեն երկկողմ հարաբերությունները խթանելու համար։
Իր հերթին նախագահ Դոնալդ Թրամփը խորին երախտագիտություն է հայտնել նախագահ Իլհամ Ալիևին անկեղծ շնորհավորանքների համար։ Դոնալդ Թրամփն ընդգծել է մեր երկրների միջև համագործակցության զարգացմանն ուղղված համատեղ ջանքերի կարևորությունը։