ԱԴՐԲԵՋԱՆԻ ԱԳՆ. ՓԱՐԻԶԻ ԿԵՂԾԱՎՈՐ ՔԱՂԱՔԱԿԱՆՈՒԹՅՈՒՆԸ ԽՈՉԸՆԴՈՏՈՒՄ Է ՏԱՐԱԾԱՇՐՋԱՆՈՒՄ ԿԱՅՈՒՆ ԽԱՂԱՂՈՒԹՅԱՆ ՀԵՌԱՆԿԱՐՆԵՐԻՆ
Ապրիլի 14-ին Ֆրանսիայի Եվրոպայի և արտաքին գործերի նախարար Ժան-Նոել Բարոն, ելույթ ունենալով Լյուքսեմբուրգում ԵՄ ԱԳ նախարարների հանդիպման ժամանակ, մի շարք հակաադրբեջանական հայտարարություններ է արել՝ տարածաշրջանային լարվածության, խաղաղ գործընթացի և Ադրբեջանում ներկայումս ընթացող հայերի դատավարության վերաբերյալ։Ադրբեջանի ԱԳՆ մամուլի քարտուղար Այխան Հաջիզադեն խստորեն դատապարտել է և՛ ֆրանսիացի նախարարի հայտարարությունները, և՛ այն, որ Ադրբեջանում Ֆրանսիայի դեսպանը կիսվել է դրանց հղումով իր X սոցիալական ցանցում:
«Ֆրանսիայի քաղաքականության երկակի ստանդարտները, որը մի կողմից խոսում է խաղաղությանն իր հանձնառության մասին, իսկ մյուս կողմից ձեռնարկում է՝ լարվածություն հրահրող գործողություններ, ակնհայտ հակասություն են ցուցադրում։
«Նման կեղծավոր քաղաքականությունը խոչընդոտում է տարածաշրջանում կայուն խաղաղության հեռանկարներին»,- նշել է Այխան Հաջիզադեն։