ԲԱՔՈՒՆ ՈՒՇԱԴԻՐ ՀԵՏԵՎՈՒՄ Է ԵՐԵՎԱՆԻ ՀԱՅՏԱՐԱՐՈՒԹՅՈՒՆՆԵՐԻՆ. ԲԱՅՐԱՄՈՎ
Հայաստանը տարբեր ժամանակացույցեր է տվել Ադրբեջանի հետ խաղաղության համաձայնագրի ստորագրման համար, սակայն Բաքուն շարունակում է հանձնառու լինել գործընթացն ավարտին հասցնելուն։Ադրբեջանի արտաքին գործերի նախարար Ջեյհուն Բայրամովը այս մասին հայտարարել է իր հոլանդացի գործընկեր Թոմ Բերենդսենի հետ ճեպազրույցի ժամանակ։
Նախարարի խոսքով՝ ադրբեջանական կողմը ուշադիր հետևում է հայ պաշտոնյաների հայտարարություններին այս հարցի վերաբերյալ։
«Վերջին տարվա ընթացքում Ադրբեջանը բազմաթիվ միակողմանի քայլեր է ձեռնարկել, և Հայաստանը, ինչպես բոլորը, տեսել է դա», - ընդգծել է Բայրամովը։
Նա նշել է, որ Հայաստանի ներսում որոշակի գործընթացներ են ընթանում, և սահմանադրական փոփոխությունները բխում են հենց Հայաստանի իշխանությունների շահերից։
«Ադրբեջանը միշտ պատրաստ է վերջնական կետը դնելու խաղաղության համաձայնագրի հարցում և շարունակում է հանձնառու մնալ այս գործընթացին», - եզրափակել է արտաքին գործերի նախարարը։