THE NEW YORK TIMES. ԱԴՐԲԵՋԱՆԻ ՀԱՂԹԱՆԱԿՈՒՄ ԱՆՕԴԱՉՈՒ ԹՌՉՈՂ ՍԱՐՔԵՐԻ ԴԵՐԸ ԱՆՀԵՐՔԵԼԻ Է
Ղարաբաղյան երկրորդ պատերազմի ժամանակ Ադրբեջանը հաջողությամբ կիրառել է անօդաչու թռչող սարքեր:Այս մասին ասվում է The New York Times-ում հրապարակված հոդվածում։
Նշվում է, որ ղարաբաղյան երկրորդ պատերազմը ռազմական գործողությունների ընթացքում անօդաչու թռչող սարքերի կիրառման ամենահաջող օրինակն էր։
«Այն ժամանակ ադրբեջանական անօդաչու թռչող սարքերը ոչնչացրեցին հարյուրավոր հայկական տանկեր, զինամթերք և զրահատեխնիկա։ Ադրբեջանի պաշտպանության նախարարությունը մարտադաշտում արդյունավետ կերպով օգտագործել է անօդաչու թռչող սարքեր և հաճախ իր կայքում զետեղել հարձակումների տեսագրությունները»,- ասվում է հոդվածում։
Պատերազմի ժամանակ Ադրբեջանն անօդաչու թռչող սարքեր է կիրառել հետախուզության, հակառակորդի թիրախների կոորդինատները հրետանային և հրթիռային ստորաբաժանումներին փոխանցելու, օպերատիվ իրավիճակի ամբողջական պատկերը կազմելու նպատակով։ Անօդաչու թռչող սարքերի տվյալների գերազանց կոորդինացման օրինակ էր հակաօդային պաշտպանության համակարգի ճշգրիտ կրակով ոչնչացումը Խոջավենդի ուղղությամբ, նշվում է հոդվածում։