ՀԱՅԱՍՏԱՆՈՒՄ ՍՆՆԴԱՄԹԵՐՔԻ ԹԱՆԿԱՑՈՒՄՆ ԱՀԱԳՆԱՑԵԼ Է

Հայաստանցիները սննդամթերքի գնաճը արդեն ամսեամիս են զգում իրենց սեփական գրպանների վրա։ Երևանի փողոցներում այսօր չգտանք մեկին, որ չէր նկատել թանկացումը։
«Հատուկ չեմ հաշվում, բայց ամեն ինչն էլ թանկացել ա», - ասաց քաղաքացիներից մեկը:
«Ամեն ինչն եմ նկատել թանկացում, բացի սննդամթերքը՝ տնտեսական, ամբողջը թանկացել ա», - ասաց մեկ այլ քաղաքացի:
Ապրիլին սննդամթերքը թանկացել է 14.5 տոկոս
Չնայած իշխանությունների ձեռնարկած քայլերին, անգամ պաշտոնական տվյալները փաստում են՝ սննդամթերքի գները Հայաստանում շարունակում են աճել երկնիշ թվերով։ Ապրիլին՝ այս տարվա առաջին երեք ամիսների համեմատ սննդամթերքի գնաճը ամենամեծն է եղել. նախորդ տարվա ապրիլի համեմատ պարենը թանկացել է 14.5 տոկոսով։
Հայաստանում գների կայունության համար պատասխանատուն Կենտրոնական բանկն է։ Գնաճը զսպելու գլխավոր գործիքը, որ կիրառում է կառույցը, վերաֆինանսավորման տոկոսադրույքի բարձրացումն է, ինչը թանկացնում է դրամը և պետք է որ կանգնեցի գների աճը կամ առնվազն դանդաղեցնի։
Նախորդ ողջ տարվա ընթացքում և այս տարի էլ շարունակաբար բարձրացնելով վերաֆինանսավորման տոկոսադրույքը՝ ավելի քան երկու անգամ և հասցնելով 9.25 տոկոսի, Կենտրոնական բանկը այս մայիսի սկզբին որոշեց կանգ առնել ու անփոփոխ թողնել այն։ Արդյոք սա նշանակո՞ւմ է, որ գլխավոր դրամատանը կարծում են, թե գների սրընթաց աճն առաջիկայում կանգնելու է, դեռ պարզ չէ։
«Ազատություն»


Читайте также

Оставить комментарий