ՋԵՅՀՈՒՆ ԲԱՅՐԱՄՈՎԸ ԵՐԿԽՈՍՈՒԹՅԱՆ ԿՈՉ Է ԱՐԵԼ ՌՈՒՍԱՍՏԱՆԻՆ ԵՎ ՈՒԿՐԱԻՆԱՅԻՆ
«Մեր քննարկումներն ընթանում են՝ Ուկրաինայում և նրա շրջակայքում իրավիճակի լուրջ վատթարացման ֆոնին, այն ժամանակ, երբ միջազգային հարաբերույուներում լարվածությունը աճում է»։Այս մասին ՄԱԿ-ի Մարդու իրավունքների խորհրդի 49-րդ նստաշրջանում իր ելույթում հայտարարել է՝ Ադրբեջանի արտգործնախարար Ջեյհուն Բայրամովը։
Նախարարը նշել է, որ Ադրբեջանը խորապես ափսոսում է ստեղծված ճգնաժամի համար, որը հանգեցրել է լուրջ կորուստների հատկապես խաղաղ բնակչության շրջանում։
«Քաղաքացիների կյանքը, քաղաքացիական ենթակառուցվածքները պետք է պաշտպանված լինեն, և մարդու իրավունքները պետք է միշտ հարգվեն: Այնտեղ ծագած հումանիտար ճգնաժամը պահանջում է համապատասխան միջոցներ՝ նվազեցնելու ներկայիս իրավիճակի ազդեցությունը խաղաղ բնակչության վրա։
Ելնելով դրանից, Ադրբեջանը դեղորայք, բժշկական սարքավորումներ և այլ անհրաժեշտ մարդասիրական օգնություն է ուղարկել ուկրաինական ժողովրդին։
Այս կրիտիկական պահին Ադրբեջանը ևս մեկ անգամ կոչ է անում հրատապ երկխոսություն սկսել՝ իրավիճակի հետագա սրումը կանխելու համար, և ընդգծում է կողմերի միջև ուղիղ բանակցությունների անցկացման անհրաժեշտությունը»,- ասել է արտգործնախարարը։