ՀԱՋԻԵՎՆ ՈՒ ԳՐՈՆՈՆ ՔՆՆԱՐԿԵԼ ԵՆ ԲԱՔՎԻ ԵՎ ԲՐՅՈՒՍԵԼԻ ՀԱՐԱԲԵՐՈՒԹՅՈՒՆՆԵՐԻ ԶԱՐԳԱՑՈՒՄԸ
Ադրբեջանի նախագահի օգնական Հիքմեթ Հաջիևը Հարավային Կովկասում ԵՄ հատուկ ներկայացուցիչ Մագդալենա Գրոնոյի հետ քննարկել է Բաքվի և Բրյուսելի միջև հարաբերությունների զարգացումը, ինչպես նաև տարածաշրջանային օրակարգը։ «Ես ուրախ էի հանդիպել Հարավային Կովկասում և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյի հետ՝ քննարկելու Ադրբեջան-ԵՄ գործընկերությունը, համագործակցության օրակարգը և տարածաշրջանային ու միջազգային հիմնական գործընթացները։ Մենք մտքեր փոխանակեցինք փոխադարձ հետաքրքրություն ներկայացնող ոլորտներում համագործակցության ընդլայնման վերաբերյալ, այդ թվում՝ էներգետիկ անվտանգության, տրանսպորտային և լոգիստիկ կապերի զարգացման և տարածաշրջանային կայունության», - գրել է Հաջիևը X սոցիալական ցանցում։

