ՀԵՌԱԽՈՍԱԶՐՈՒՅՑ Է ՏԵՂԻ ՈՒՆԵՑԵԼ ԲԱՅՐԱՄՈՎԻ ԵՎ ԱՆԱՆԴԻ ՄԻՋԵՎ
Հեռախոսազրույց է տեղի ունեցել Ադրբեջանի արտաքին գործերի նախարար Ջեյհուն Բայրամովի և Կանադայի արտգործնախարար Անիտա Անանդի միջև։ Արտաքին քաղաքական գերատեսչության մամուլի ծառայության հաղորդմամբ՝ հեռախոսազրույցի ընթացքում նախարարները մտքեր են փոխանակել ադրբեջանա-կանադական հարաբերությունների ներկա վիճակի և զարգացման հեռանկարների, ինչպես նաև փոխադարձ հետաքրքրություն ներկայացնող տարածաշրջանային հարցերի շուրջ։Բացի այդ, քննարկվել են տարածաշրջանում ստեղծված իրավիճակը, հետհակամարտային շրջանի իրողությունները, ինչպես նաև Ադրբեջանի և Հայաստանի միջև հարաբերությունների կարգավորման գործընթացը և խաղաղության գործընթացը։ Ջեյհուն Բայրամովը իր զրուցակցին տեղեկացրել է նախկին հակամարտության պատմության, օկուպացիայի և դրա հետևանքների, ինչպես նաև տարածաշրջանում կայուն խաղաղություն և կայունություն ապահովելու ուղղությամբ ներկայումս ձեռնարկվող ջանքերի մասին։ Հեռախոսազրույցի ընթացքում մտքեր են փոխանակվել փոխադարձ հետաքրքրություն ներկայացնող այլ հարցերի շուրջ։