ՏԵՂԻ Է ՈՒՆԵՑԵԼ ՋԵՅՀՈՒՆ ԲԱՅՐԱՄՈՎԻ ԵՎ ՀԱՔԱՆ ՖԻԴԱՆԻ ՀԵՌԱԽՈՍԱԶՐՈՒՅՑԸ
Տեղի է ունեցել Ադրբեջանի և Թուրքիայի արտաքին գործերի նախարարներ Ջեյհուն Բայրամովի և Հաքան Ֆիդանի հեռախոսազրույցը:Այս մասին հաղորդագրությունը տարածել է ԱՀ արտաքին քաղաքական գերատեսչության մամուլի ծառայությունը
Երկու նախարարները քննարկել են երկկողմ դաշնակցային հարաբերություններին առնչվող հարցեր:
«Բացի այդ, Բայրամովը և Ֆիդանը քննարկել են Շուշայում կայանալիք Թյուրքական պետությունների կազմակերպության ոչ պաշտոնական գագաթնաժողովի նախապատրաստման թեման», - ասվում է հաղորդագրությունում:
Նախարարները մտքեր են փոխանակել երկկողմ հետաքրքրություն ներկայացնող հարցերի և տարածաշրջանում ընթացող զարգացումների շուրջ։