ՎՐԱՍՏԱՆԻ ՆԱԽԱԳԱՀ. ԲԱՔՎԻ ԵՎ ԹԲԻԼԻՍԻԻ ՄԻՋԵՎ ՌԱԶՄԱՎԱՐԱԿԱՆ ԳՈՐԾԸՆԿԵՐՈՒԹՅՈՒՆԸ ԿԱՄՐԱՊՆԴՎԻ ԵՎ ԿՀԱՍՆԻ ՆՈՐ ՄԱԿԱՐԴԱԿԻ
Վրաստանի նախագահ Միխեիլ Կավելաշվիլին վստահություն է հայտնել, որ Բաքվի և Թբիլիսիի միջև ռազմավարական գործընկերությունը և բարիդրացիական հարաբերությունները կամրապնդվեն և կհասնեն նոր մակարդակի։Այս մասին Վրաստանի նախագահ Միխեիլ Կավելաշվիլին ասել է Ադրբեջանի նախագահ Իլհամ Ալիևի հետ համատեղ մամուլի ասուլիսում:
Նրա խոսքով, կան բոլոր պայմանները Ադրբեջանի և Վրաստանի միջև համագործակցության ամրապնդման համար։
«Մեր երկրների միջև բարեկամությունը հիմնված է փոխադարձ հարգանքի և ազգային շահերի փոխադարձ նկատառման վրա: Մենք հասկանում ենք փոխադարձ վստահության և ասված խոսքի արժեքը: Դրա համար էլ Վրաստանի և Ադրբեջանի միջև ռազմավարական բարեկամությունն ու համագործակցությունը օրինակելի են», - հավելել է Կավելաշվիլին: