«ՀԱՅ-ԱԴՐԲԵՋԱՆԱԿԱՆ ԲԱՆԱԿՑՈՒԹՅՈՒՆՆԵՐԻ ԴՐԱԿԱՆ ԵԼՔԻ ԴԵՊՔՈՒՄ ՍԱՀՄԱՆԸ ԿԲԱՑՎԻ»․ ՖԻԴԱՆ
Թուրքիայի արտգործնախարար Հաքան Ֆիդանը, Sabah օրաթերթին տված հարցազրույցում, կրկին հայտարարել է, որ հայ-թուրքական և հայ-ադրբեջանական հարաբերությունների կարգավորման գործընթացները փոխկապակցված են։«Հայաստանի և Ադրբեջանի միջև հանդիպումները շարունակվում են, և մենք հայ-ադրբեջանական հարաբերությունների կարգավորման դեպքում պետք է մեր սցենարը նախապատրաստենք։ Այժմ այդ ուղղությամբ աշխատանքները շարունակվում են։ Մենք կարող ենք կյանքի կոչել դրական սցենարն, այսինքն՝ բացել սահմանը Հայաստանի հետ», - նշել է Թուրքիայի արտաքին քաղաքական գերատեսչության ղեկավարը։