ԱԴՐԲԵՋԱՆԻ ԱԳՆ. ԴԱՏԱՊԱՐՏՈՒՄ ԵՎ ՄԵՐԺՈՒՄ ԵՆՔ ԵՎՐԱԽՈՐՀՐԴԱՐԱՆԻ ԶԵԿՈՒՅՑԸ
Մենք խստորեն դատապարտում և մերժում ենք Եվրախորհրդարանի «Անվտանգության և պաշտպանության միասնական քաղաքականության իրականացման մասին» զեկույցը, որում արտացոլված են Ադրբեջանի դեմ ուղղված կետեր, հայտարարել է Ադրբեջանի ԱԳՆ մամուլի ծառայության ղեկավար Այխան Հաջիզադեն։«Զեկույցում տեղ գտած հոդվածները Ադրբեջանի դեմ զրպարտչական արշավի մի մասն են։ Նրանց բոլոր փաստերը խեղաթյուրված են, կրում են զրպարտիչ բնույթ, բացարձակապես անհիմն են և լուրջ հարցեր են առաջացնում Եվրամիության ընդհանուր արտաքին և անվտանգության քաղաքականության ապագայի վերաբերյալ։
Ցավոք, այս զեկույցը, որն արտացոլում է արտաքին և անվտանգության քաղաքականության մակերեսային մոտեցում, ցույց է տալիս նաև, թե որքանով են Եվրախորհրդարանի անդամները դարձել պոպուլիզմի պատանդը, ինչպես նաև՝ որքան հեռու են նրանք մեր տարածաշրջանի նկատմամբ ճիշտ ռազմավարական մոտեցում մշակելուց»,- ասել է Հաջիզադեն: