ՀԻՔՄԵԹ ՀԱՋԻԵՎ. ՍԿՍՎԵԼ Է ԻՐԱՆԻ ՏԱՐԱԾՔՈՎ ԴԵՊԻ ՆԱԽՉԸՎԱՆ ՆՈՐ ՀԱՂՈՐԴԱԿՑՈՒԹՅՈՒՆՆԵՐԻ ԿԱՌՈՒՑՈՒՄԸ
Արդեն սկսվել են Իրանի հետ նախնական շփումները Նախչըվանի Ինքնավար Հանրապետության և Ադրբեջանի մյուս տարածքների միջև տրանսպորտային գծերի վերականգնման ուղղությամբ:Այս մասին լրագրողների հետ զրույցում ասել է ԱՀ նախագահի օգնական Հիքմեթ Հաջիևը։
Նա նշել է, որ այս ուղղությամբ աշխատանքներ են տարվում համապատասխան նախարարների կողմից. «Այսինքն՝ գործնական աշխատանքն արդեն սկսվել է։ Շարունակվում է տրանսպորտային գծերի կառուցումը, որոնք կանցնեն Իրանի տարածքով դեպի Նախչըվան՝ Զանգիլանում և Աղբենդում Արազ գետի վրա կառուցվող կամուրջներով։ Ցավոք, վերջին 3 տարիների ընթացքում Հայաստանը լուրջ քայլեր չի ձեռնարկել այդ հաղորդակցությունները կառուցելու և առաջ տանելու ուղղությամբ։ Մենք չենք կարող սպասել, թե երբ է Հայաստանը որոշում կայացնելու։ Ինչպես տեսնում եք, «Միջին միջանցքում» նոր հնարավորություններ են ի հայտ գալիս, և մենք պետք է դրանք ճիշտ գնահատենք և կապեր հաստատենք»։