ԱԳՆ. ՊԵՏՔ Է ԿԱՍԵՑՆԵԼ ՀԱՅԱՍՏԱՆԻ ՊԱՀՎԱԾՔԸ, ՈՐԸ ԿԵՂԾՈՒՄ Է ՊԱՏՄՈՒԹՅՈՒՆԸ ԵՎ ՉԻ ՑԱՆԿԱՆՈՒՄ ՀՐԱԺԱՐՎԵԼ ԱԴՐԲԵՋԱՆԻ ՏԱՐԱԾՔԻ ՆԿԱՏՄԱՄԲ ԱՆՀԻՄՆ ՀԱՎԱԿՆՈՒԹՅՈՒՆՆԵՐԻՑ
Մենք վճռականորեն քննադատում ենք և մերժում Հայաստանի վարչապետ Նիկոլ Փաշինյանի՝ 2023 թվականի սեպտեմբերի 2-ին հրապարակված ուղերձը, որը Ադրբեջանի տարածքային ամբողջականության և ինքնիշխանության հանդեպ՝[Հայաստանի] ունեցած պահանջների, ինչպես նաև Ադրբեջանի ղարաբաղյան տարածաշրջանում անջատողականության խրախուսման հերթական վկայությունն է ։Այս մասին ասվում է Ադրբեջանի ԱԳՆ հայտարարության մեջ։
Ադրբեջանական կողմը համարում է, որ այդ ուղերձով Հայաստանի կառավարության ղեկավարը կասկածի տակ է առել Ադրբեջանի տարածքային ամբողջականությունը։
«Հայաստանի վարչապետի այս խոսքերը հակասում են Ադրբեջանի տարածքային ամբողջականությանն աջակցելու վերաբերյալ ավելի վաղ հնչեցրած հայտարարությանը:
Պետք է կասեցնել այդ երկրի նման պահվածքը, որը չի ցանկանում հրաժարվել Ադրբեջանի տարածքի նկատմամբ անհիմն հավակնություններից, պատմությունը կեղծելուց, միջազգային իրավունքի սկզբունքները կոպտորեն խախտելուց,»,- ասվում է մեկնաբանության մեջ։