ՆԻՄ ՀԿ-ՆԵՐԸ ՀԱՅԱՍՏԱՆԻ ԿՈՂՄԻՑ ՇՐՋԱՓԱԿՄԱՆ ՀԱՐՑՈՎ ԴԻՄԵԼ ԵՆ ՄԻՋԱԶԳԱՅԻՆ ՀԱՆՐՈՒԹՅԱՆԸ
Ադրբեջանի Նախչըվանի Ինքնավար Հանրապետությունում գործող հասարակական կազմակերպությունները դիմել են միջազգային հանրությանը։«Մենք՝ Ադրբեջանի Հանրապետության Նախչըվանի Ինքնավար Հանրապետությունում գործող հասարակական կազմակերպություններս, դիմում ենք միջազգային հանրությանը, որպեսզի տեղեկացնենք, որ Նախչըվանի Ինքնավար Հանրապետությունն ավելի քան 30 տարի ապրում է շրջափակման մեջ։ Նախչըվանի բնակչությունը շրջափակման պատճառով գրեթե 15 տարի առանց գազի էր, նույնիսկ էլեկտրականություն չկար։ Ադրբեջանի հիմնական մասից անցկացված էլեկտրահաղորդման գծերը կտրվել են Հայաստանի կողմից. Նախչըվանի և Բաքվի միջև հաղորդակցությունն իրականացվում էր երկաթուղով, որն ընդհատվեց 1992 թվականին՝ Մեղրիից վերջին գնացքի գնդակոծումից հետո»,- ասվում է ՀԿ-ների տարածած հայտարարության մեջ։
Կազմակերպությունները նշել են, որ միջազգային հանրությունը ոչ մի քայլ չի ձեռնարկել Նախչըվանի խաղաղ բնակչության խնդիրները լուծելու և շրջափակումը վերացնելու ուղղությամբ և որևէ ճնշում չի գործադրել Հայաստանի վրա այս հարցում։